«Әулиеата кітап оқитын өңір» жобасы аясында Мұхтар Әуезов атындағы мектепте қазақ әдебиетінің көрнекті өкілі, жазушы Совет Әлімқұловтың шығармашылығына арналған «Қаламгер ғұмыры – халыққа аманат» атты әдеби кеш өтті.
Әдеби Кешке жазушының ұлы Қазақстан Жазушылар және журналистер одағының мүшесі Әлімқұлов Бақытжан Советұлы
арнайы қатысып, әкесінің өмірі мен шығармашылық жолы туралы естеліктерімен бөлісті. Ол Совет Әлімқұловтың адамдық болмысы мен шығармашылық ұстанымы жайлы әсерлі әңгімелер айтып, оқушылардың сұрақтарына жауап берді.
Сондай-ақ іс-шараға Жамбыл облыстық мәслихатының депутаты, Сарысу аудандық орталықтандырылған кітапханалар жүйесінің директоры Жолмаханова Айтбала Абухасқызы қатысып, қаламгердің қазақ әдебиетіндегі орны мен шығармашылығының маңыздылығына тоқталып, мектеп директоры Мақсат Мамытовқа және ұйымдастырушыларға ризашылығын білдірді.
Шара аясында оқушылар мәнерлеп оқу және шағын сахналық көріністер арқылы жазушы еңбектеріне деген құрметін білдірді.
