Бүгін Талас ауданының әкімі Нұрбол Әбдімажитұлы Жүнісбековтің төрағалығымен кәмелетке толмағандардың істері және олардың құқықтарын қорғау жөніндегі комиссияның кеңейтілген отырысы өтті.
Кеңейтілген отырыстың басты мақсаты – жасөспірімдер арасындағы ерте жүктілік пен суицидтің алдын алу, жыныстық тиіспеушілікке қарсы қылмыстармен күресті күшейту, сондай-ақ құқық бұзушылықтардың алдын алу бағытындағы жұмыстарды жүйелеу болды.
Отырыста аудандық білім бөлімінің басшысы Мақсат Арапұлы Қазанғапов және аудандық полиция бөлімінің қоғамдық қауіпсіздік бөлімшесінің басшысы Иманбек Бауыржан Смаилұлы атқарылған жұмыстар жөнінде баяндама жасады.
Жиын барысында жауапты органдарға нақты тапсырмалар беріліп, кәмелетке толмағандар арасындағы келеңсіз жағдайлардың алдын алу және олардың құқықтарын қорғау бойынша бірлескен жұмысты күшейту қажеттігі атап өтілді.
Біздің басты міндетіміз – жас буынның амандығы мен болашағы үшін қауіпсіз, тәрбиелі орта қалыптастыру.
