Жамбыл облысы өнеркәсіп саласында тарихи көрсеткішке қол жеткізді. 2025 жылдың қаңтар–қазан айларында өңірде 1 трлн теңгенің өнімі өндіріліп, республика бойынша көш бастады. Бұл жетістікке 919 кәсіпорында еңбек ететін 41 мың адамның күш-жігерінің арқасында қол жеткізілді.
Облыстық кәсіпкерлік және индустриалды-инновациялық дамыту басқармасының басшысы Аспандияр Сейсебаевтың айтуынша, өндіріс көлемінің өсуі барлық негізгі салаларда байқалуда.
Өңдеу өнеркәсібі – 675,4 млрд тг (20,7 мың адам еңбек етуде)
Тау-кен өндіру – 201,5 млрд тг
Химия өнеркәсібі – 320,3 млрд тг
«Казфосфат» өнімін 54,2%-ға,
«НДФЗ» сары фосфор өндірісін 8,5%-ға,
«Talas Investment Company» натрий цианидін 6,5%-ға арттырды.
Құрылыс индустриясы – 73,3 млрд тг
«Жамбылгипс» өнім көлемін 52,6%-ға өсірді.
Тамақ өнеркәсібі – 103,6 млрд тг
83,8 мың тонна қант, 2 872 тонна ірімшік пен сүзбе өндірілді.
Мұнай өңдеу – 23,4 млрд тг
Өнім көлемі өткен жылмен салыстырғанда 34,6%-ға артты.
Машина жасау – 17,6 млрд тг
Шикізаттық емес тауарлар экспорты да едәуір артты — 270,4 млн АҚШ доллары, бұл өткен жылмен салыстырғанда 1,5 есеге көп.
Экспорт өсіміне химия саласы (157%), тамақ (186,9%) және құрылыс индустриясы (112,4%) өнімдерінің артуы әсер етті.
Жыл соңына дейін өнеркәсіптегі өсім қарқынын 6,5% деңгейінде сақтау жоспарланып отыр.
