https://turkystan.kz/article/271207-ekibastuz-turgyny-zeke-klinikada-ekpe-algannan-keiin-qaitys-bolgan
Екібастұзда 43 жастағы ер адам тізесіндегі ауырсыну бойынша жүгінген жеке клиникада қайтыс болды. Туыстары оның өліміне дәрігерлердің дұрыс әрекет етпеуі мен медициналық көмектің кеш көрсетілуі себеп болды деп санайды, деп хабарлайды turkystan.kz.
irbis.tv мәліметінше, 8 қыркүйекте Жеңіс Бекжигитов жеке клиникаға барып, онда оған “оң тізе буынының остеоартриті” деген диагноз қойылып, бұлшықет ішіне екпе жасау тағайындалған.
“10 қыркүйекте сағат 15:50-де дәрігер екпе салды. Келесі күні таңертең оның қатты ауырсынуы мен ісінуі басталды. Жедел жәрдем 40–50 минут келген жоқ. Дәрігер телефон арқылы тек аспирин мен диклофенак ішуге кеңес берген”, — дейді туыстары.
12 қыркүйекте ер адамның жағдайы күрт нашарлаған: қызуы көтеріліп, әлсіздік пен естен тану пайда болған. Туыстары оны өздері Екібастұз ауруханасына апарған. Онда науқасқа шұғыл ота жасалып, келесі күні реанимацияға ауыстырылған. 14 қыркүйек таңертең ол көз жұмды.
Денсаулық сақтау министрлігінің Медициналық және фармацевтикалық бақылау комитеті Павлодар облысында 40 жастағы ер адамның өліміне қатысты ресми тексеру басталғанын хабарлады.
Облыстық департамент терапевт, анестезиолог-реаниматолог және травматолог сынды тәуелсіз сарапшыларды тартқан. Ер адам барған барлық медициналық ұйымдар тексеріліп жатыр. Тексерудің негізі — Екібастұз полициясы тергеу бөлімінің қаулысы.
Ведомство, егер заңбұзушылықтар анықталса, материалдар полицияның тергеу бөліміне жіберіліп, құқықтық баға беріліп, процессуалдық шешім қабылданатынын нақтылады.
Толық нұсқасына гиперсілтеме беруді ұмытпаңыз: https://turkystan.kz/article/271207-ekibastuz-turgyny-zeke-klinikada-ekpe-algannan-keiin-qaitys-bolgan
