polisia.kz
https://turkystan.kz/article/271289-turkistan-oblysynda-qyzyl-kitapqa-engen-osimdikterdi-zansyz-zinagandar-ustaldy
Түркістан облысының полициясы Қазақстан Республикасының Қызыл кітабына енгізілген, сирек кездесетін өсімдіктерді заңсыз жинаумен айналысқан адамдарды анықтады, деп хабарлайды turkystan.kz.
Полицейлер таулы аймақтарда тыйым салынған өсімдік түрлерін жинады деген күдікпен Төлеби ауданының алты тұрғынын ұстады.
Тексеру және тінту жұмыстары кезінде жалпы салмағы шамамен 100 келіден асатын 3000-нан астам макротомия өсімдігінің тамыры және арнайы қолдан жасалған күректер тәркіленді.
Аталған дерек бойынша сирек кездесетін, жойылу қаупі төнген және айналымына тыйым салынған өсімдіктермен заңсыз әрекет ету фактісі бойынша сотқа дейінгі тергеу амалдары жүргізілуде.
Бүгінде істің барлық мән-жайын толық әрі жан-жақты анықтауға бағытталған тергеу әрекеттері жалғасып жатыр.
Түркістан облысының полицейлері азаматтарға табиғатты қорғау заңнамасын бұзғаны үшін қатаң жауапкершілік қарастырылғанын ескертеді және табиғи ортаны сақтауға, қорғауға шақырады.
Толық нұсқасына гиперсілтеме беруді ұмытпаңыз: https://turkystan.kz/article/271289-turkistan-oblysynda-qyzyl-kitapqa-engen-osimdikterdi-zansyz-zinagandar-ustaldy
