istockphoto.com
https://turkystan.kz/article/271458-aqmolada-erli-zaiypty-alaiaqtar-180-adamdy-aldap-qomaqty-qarazat-algan
Ақкөл аудандық сотында К.-ға қатысты аса ірі мөлшерде, адамдар тобымен алдын ала сөз байласу арқылы, бірнеше рет алаяқтық жасағаны үшін қылмыстық іс қаралды, деп хабарлайды turkystan.kz.
Шортанды ауданының тұрғыны К. азаматтардың сеніміне кіріп, оларды алдап, тиімді шартпен мәміле жасауды ұсынған. Ол азаматтардан пайызбен қайтарамын деп қарызға ақша алып, өз қажеттілігі үшін олардың атына тауарларға бөліп төлеу рәсімдеп, несие, қарыздар алып, оларға пайыз төлеп, ай сайынғы төлемдерді өзі өтеп отыруға уәде берген.
Жәбірленушілердің ақшалай қаражатын иемденгеннен кейін, К. төлемдерді жасауды тоқтатып, байланысқа шықпай қойған.
К. қылмысты өзінің жұбайымен алдын ала сөз байласу арқылы жасаған. Жұбайы өз ЖК-нің банк шотын ақша аударуға беріп, жәбірленушілердінесие мен қарыз рәсімдеу үшін банктерге өзавтокөлігімен апарып отырған.
К. әрқайсысына 600 мыңнан 45 млн теңгеге дейін материалдық зиян келтіре отырып, 179 жәбірленушінің ақшасын иемденген.
Бұдан бөлек, К. ЖШС-ден 4,7 млн теңгеге автошина сатып алып, сатып алу-сату шарты бойынша міндеттемелерін орындамаған.
Сонымен қатар, В.-ға жоқ бизнеске қаржы салуды ұсынып, бизнеске қажет деп одан ақша алып, иемденіп кеткен.
Осылайша, В.-ға жалпы 73,5 млн. теңге материалдық шығын келтірген.
Сот үкімімен К.-ға 6 жыл 6 айға бас бостандығынан айыру тағайындалды. Заңмен 14 жасқа дейінгі баласы бар және оны тәрбиелеп отырған әйелдерге үкімнің орындалуын кейінге қалдыру белгілегендіктен, ҚК-нің 74-бабының 1-бөлігі негізінде К.-да кәмелетке толмаған баласының болуына байланысты, жазаныңорындаулуы 1 жылға қалдырылды.
Жәбірленушілердің азаматтық талаптарықанағаттандырылды.
К.-ның жұбайына қатысты жеке қылмыстық іс қозғалынды.
Толық нұсқасына гиперсілтеме беруді ұмытпаңыз: https://turkystan.kz/article/271458-aqmolada-erli-zaiypty-alaiaqtar-180-adamdy-aldap-qomaqty-qarazat-algan
