Тараз қаласындағы Достық үйінде ҚХА-ның 30 жылдығына орай «Жомарт жан» орталығы ұйымдастырған «Еңбек елдің – ертеңі» атты іс-шара өтті. Шараға басқарма өкілдері, меценаттар, этномәдени бірлестіктер, студенттер және бұқаралық ақпарат құралдарының өкілдері қатысты.
Іс-шараның мақсаты – жастар арасында жұмысшы мамандықтарының беделін арттыру және білім саласындағы қайырымдылық жобаларын қолдау.
Бағдарлама барысында қонақтарға Достық үйі бойынша экскурсия ұйымдастырылып, колледждер мен қолөнер шеберлерінің көрмесі ұсынылды. Сонымен бірге «Бірлік пен келісім жолындағы 30 жыл» атты бейнеролик көрсетіліп, белсенді меценаттар марапатталды.
«Жомарт жан» орталығы әлеуметтік қолдау шарасы ретінде 30 студентке бір жылдық оқу ақысы сертификаттарын табыстады.
Осындай игі істер жалғасын табатын болады.
