Жамбыл облыстық көпбейінді онкология және хирургия орталығында онкогинекологиядағы қазіргі заманғы хирургиялық әдістер бойынша шеберлік сыныбы өтті.
Оқыту жүргізген – медицина ғылымдарының кандидаты, Ұлттық ғылыми онкология орталығының әйелдер денсаулығы орталығының жетекшісі Аида Шакирова.
Шеберлік сыныбы барысында облыстық онкоорталықта заманауи технология – сторожевой лимфа түйіндерін анықтауға арналған ICG-лимфографияны қолдану арқылы радикалды вульвэктомия әдісі енгізілді. Вульва обыры T1bNхM0 диагнозы қойылған науқасқа толық көлемде хирургиялық ем жүргізілді: индоцианин жасылы (ICG) флуоресцентті бояғышы көмегімен визуализацияланған сторожевой шап лимфа түйіндерін алып тастай отырып, радикалды вульвэктомия жасалды.
ICG-навигацияланған лимфографияны қолдану сторожевой лимфа түйіндерін дәл анықтауға, хирургиялық араласу көлемін азайтуға, операциядан кейінгі асқыну қаупін төмендетуге және ауруды дұрыс стадиялаудың сапасын арттыруға мүмкіндік берді.
Бұл технологияның енгізілуі халықаралық ұсынымдарға толық сәйкес келеді және өңірде вульва обырын органсақтаушы әрі дербестендірілген тәсілмен емдеуге жаңа мүмкіндіктер ашады.
Дереккөз: Жамбыл облысы денсаулық сақтау басқармасының баспасөз қызметі
