«AMANAT» партиясы Жамбыл облыстық филиалы жанындағы «Экологиялық мәселелер» жөніндегі аймақтық кеңестің кезекті отырысында өңірдің экологиялық жағдайы және оны жақсарту жолдары талқыланды.
Кеңес барысында партияның Сайлауалды бағдарламасында көрсетілген экологиялық міндеттердің орындалу барысы қаралды. Облыс әкімдігі табиғи ресурстар және табиғатты пайдалануды реттеу басқармасы басшысының орынбасары Бауыржан Молдашев пен «ҚазСуШар» РМК Жамбыл филиалы директорының орынбасары Ербол Абдрахманов өз салалары бойынша атқарылып жатқан жұмыстар туралы баяндама жасады.
Алайда шешімін күткен мәселелер де бар. Атап айтқанда, облыс пен аудандарда қоқыс өңдейтін зауыттар толық іске қосылмаған. Қалдық тасымалдау техникасы жеткіліксіз. Талас ауданындағы Ақкөл мен Ащыкөл көлдерінің тартылуы. Кәріз жүйелерінің тозуы. «Қазфосфат» кәсіпорнының қоршаған ортаға тигізіп отырған әсері.
Кеңес қорытындысымен бұл мәселелер бойынша нақты ұсыныстар әзірленіп, тиісті органдарға жолданатын болады.
