istockphoto
Екі адам көз жұмды: Екібастұзда қайғылы жағдай болды: 13 желтоқсан 2025, жаңалықтар Turkystan.kz
Павлодар облысында КамАЗ жолдың қарсы бетіне шығып кетіп, жеңіл көлікпен соқтығысты. Салдарынан екі адам көз жұмып, біреуі жарақат алды, деп хабарлайды turkystan.kz облыстық полицияға сілтеме жасап.
Полиция қылмыстық іс қозғады. Күдікті жүргізуші уақытша қамау изоляторына қамалды.
Алдын ала мәліметке сәйкес, 12 желтоқсан күні «Екібастұз–Солнечный ауылы» автожолының 10-шақырымында тіркемесі бар КамАЗ жүк көлігінің жүргізуші қарсы қозғалыс жолағына шығып, Great Wall автокөлігімен соқтығысқан. Одан кейін екі көлік те жол жиегіне аударылған.
«Автокөліктер арнайы айыптұраққа қойылды. Оқиғаның мән-жайы мен себептері тергеу барысында анықталады», — дейді полицейлер.
Полиция департаменті мұндай оқиғалардың алдын алу үшін жол қозғалысына қатысушыларға жол қозғалысы ережесін, жылдамдық режимін қатаң сақтап, ауа райының өзгеруін ескеру қажеттігін еске салды.
Толық нұсқасына гиперсілтеме беруді ұмытпаңыз: https://turkystan.kz/article/272779-eki-adam-koz-zumdy-ekibastuzda-qaigyly-zagdai-boldy
