Республикалық «Рухтастар» жастар сыйлығы-2025 кеші жоғары деңгейде өтті. Осы кеште «Жастар Рухы» Жастар қанаты Тараз қалалық бөлімшесі «Үздік бөлімше» номинациясын иеленді.
Рухты жастарымыз жыл бойы түрлі жобаларды іске асырып, қоғам дамуына айтарлықтай үлес қосты. 2025 жыл – Жұмысшы мамандықтар жылына орай «Жұмысшы жастар аманаты» форумын өткізді. Екінші жыл қатарынан өткен «Таза Қазақстан» Road-эстафетасы аясында 500 шақырым жол жиегі қоқыстан тазартылды. Одан бөлек, бос жұмыс орындары жәрмеңкесі, «Ардагерлерді ардақтайық», «Вандализмге жол жоқ», «Қауіпсіз қала» сынды ел игілігі жолындағы жобалар іске асырылды.
Сонымен қатар, аталған кеште «Белсенді рухтас» номинациясын Тұрсынқан Қарақат Русланқызы иеленді. Оның белсенділігі, бастамашылдығы мен ұйым жұмысына қосқан үлесі көпке үлгі.
Бұл – бірліктің, белсенділіктің және жүйелі еңбектің нәтижесі. Жамбыл жастарының әлеуетін көрсеткен табысты жеңіспен шын жүректен құттықтаймыз! Алда бұдан да биік белестер күтіп тұр!
