Жамбыл облысы бойынша Қылмыстық-атқару жүйесі департаментіне қарасты №59 мекемесінде Тараз қалалық спорт басқармасымен бірлесіп сотталғандар арасында спорттық іс-шара өткізді.
Аталған жарыс гір тасын көтеру, арқан тартыс және қол күрес спорт түрлері бойынша ұйымдастырылды. Іс-шараның негізгі мақсаты – жазасын өтеуші азаматтар арасында салауатты өмір салтын насихаттау, спортқа деген қызығушылықты арттыру және бос уақытты тиімді пайдалану.
Жарыс қорытындысы бойынша белсенділік танытып, үздік нәтиже көрсеткен қатысушылар дипломдармен марапатталды. Мұндай спорттық іс-шаралар сотталғандардың физикалық дайындығын арттырып қана қоймай, олардың тәртібі мен моральдық-психологиялық ахуалын жақсартуға оң әсерін тигізеді.
