Бүгін аудан әкімдігінің мәжіліс залында аудан әкімі Сәкен Мамытовтың төрағалығымен Құқық бұзушылық профилактикасы жөніндегі
ведомствоаралық комиссия отырысы өтті.
Күн тәртібіндегі алғашқы мәселе бойынша «Әкімшілік айыппұлдар салу, өндірудің жағдайы және қылмыстық істерді электронды нысанда жүргізуді қамтамасыз ету шаралар туралы» Сарысу аудандық полиция бөлімінің бастығы Ринат Оразбайұлы баяндама жасады.
Күн тәртібіндегі екінші мәселе бойынша «ҚР Сыбайлас жемқорлыққа қарсы саясатының 2022-2026 ж.ж. арналған тұжырымдамасына сәйкес бекітілген «Әр түрлі нысаналы топтар деңгейінде декомпозицияланған ақпараттық жұмыс жүргізу жөніндегі іс-шаралар жоспарының» орындалуы және сыбайлас жемқорлық тәуекелдерінің алдын алу бағытында атқарылған жұмыстар» аудан әкімдігінің ішкі саясат бөлімінің басшысы Ұлбике Сәлімованың есебі тыңдалды.
Күн тәртібіндегі үшінші мәселе бойынша «Отбасылық-тұрмыстық зорлық-зомбылық мәселелерін және лудомания профилактикасын алдын алу туралы» аудан әкімдігінің ішкі саясат бөлімінің «Жастар ресурстық орталығы» КММ-нің директоры Мадина Прімбек атқарылған жұмыстарға тоқталды.
Комиссия отырысында Құқық бұзушылық профилактикасы жөніндегі
ведомствоаралық комиссияның 2026 жылға арналған жұмыс жоспарын және шығарылатын мәселелер тізімі бекітілді. Аудан басшысы баяндамашыларға құқықбұзушылықтың алдын алуда жұмыстарды жандандыру туралы тиісті тапсырмалар жүктеді.
