Бүгін Партияның аудандық мәслихаттағы фракциясының кеңейтілген отырысы өтті.
Фракцияға аудан әкімі, Партиялық бақылау комиссиясы мүшелері, депутаттар, аудан әкімінің орынбасарлары, «Жастар рухы» жастар қанаты, бөлім басшылары, БАҚ өкілдері қатысты.
Күн тәртібіндегі алғашқы мәселе-Партияның Сайлауалды бағдарламасының аудандық Жол картасының орындалуы бойынша аудан әкімі Жалғас Әлижанұлы Мұртаза баяндады.
Жалпы 2025 жылға Жол картадағы 56 меже толық орындалған, 8 көрсеткіш қаржыландыруды күтуде.
Атап айтқанда, Жол картада Қайрат, Күреңбел, Бақалы, Көлбастау ауылдарына ауызсу жүргізу, Көлтоған, Нұрлыкент, Қарасаз ауылдарында спорт кешенін соғу қарастырылған.
Сонымен қатар, Билікөл ауылдық округін газдандыру биыл аяқталады деп күтілуде.
Ал осы кезеңге дейін 15 нысан ел игілігіне беріліп отыр.
Екінші мәселе бойынша Партиялық бақылау комиссиясы төрағасы Мұхамеджан Тұрсынбайұлы Асемов комиссияның атқарған жұмыстары мен алдағы жоспарлары бойынша хабарлама жасады.
