Биыл әлем оқитын кітаптар қандай?

1. Heartstopper – Алиса Османның желі­лес романдарының 6-томы, ақырғы бөлімі жарық көреді. Бұған дейін әлем оқырман­да­рын тамсандырған туынды негізі бойынша Netflix сериал түсіріп, бұл туындыны жаңа ауди­торияға таныстырып, үлкен таны­мал­дық­қа жеткізген еді. Жасөспірімдер арасын­да­ғы достық, махаббат және өзін-өзі тануға бағыт­талған роман графикалық безендіруі­мен де ерекше.
Heartstopper мектеп қабырғасында бір-бірі­не ғашық болған екі жасөспірімнің өмір жолын баяндайды.
2. Танымал жазушы Мэгги О’Фарреллдің Land кітабы («Қоныс») жарық көреді. Қалам­гер бұған дейін тарихи романдарымен кеңі­нен танылған. Оның әр туындысы Еуропа­ның орта ғасырлық тарихын шебер сурет­теуі­мен құнды. Land оның жаңа туындысы, бұл жолы оқырманды 16 ғасырдағы Франция мен Шотландияға жетелейді. Баспагерлер мен кітапсүйер қауым жаңа роман өз оқыр­ман­дарын шытырман оқиғаларымен тәнті ете­ді деп бағалап отыр. Шығарма Шотландия патшайымының қызықты да қиын тағдырын арқау етеді.
3. Диппа Анаппараның The Last of Earth («Жер­дің ақыры») жаңа романы – ғылыми фантастика мен эмоциялық драма үйлескен, ерекше стильде жазылған шығарма. Оның шы­ғармалары әлеуметтік және саяси оқи­ға­ларды шебер үйлестіре білуімен ерекше­ле­не­ді. Жазушы жаңа романында жер бетінде өмір сүру қиындап, адамдар басқа планетаға көшуге мәжбүр болған жайтты суреттейді. Тек бір әйел жерді тастап кетуден түбегейлі бас тартады. Ол өзінің өткен шағын, отбасын жә­не сүйіспеншілікке толы жастық шағын еш­теңеге айырбастағысы келмейді. Туған үй, өскен орта, ұмытылмас естелікті санадан өшіру мүмкін емес. Кітап осы тақырыптарды өзек етіп, жердің қадірін білуге насихаттайды.
4. Джейми Бартлеттің «Жасанды интел­лект­пен қалай сөйлесуге болады (және қалай сөй­леспеуге)?» атты кітабы жасанды интел­лект­пен қарым-қатынас жасаудың прак­ти­ка­лық әрі терең нұсқаулығын ұсынады. Бұл кітапта автор жасанды интеллект жүйелері­мен тиімді сұхбаттасудың ең жақсы әдіс­те­рін, сондай-ақ жиі кездесетін қателіктерді қа­растырады. Бартлет оқырмандарға жасан­ды интеллекттің мүмкіндіктері мен шектеу­ле­рін түсінуге көмектесіп, адам мен машина ара­сындағы ынтымақтастықты жақсартуға ба­ғытталған кеңестерін тізбелейді. Сонымен қа­тар кітап этикалық мәселелер мен жасан­ды интеллекттің қоғамға әсері туралы да әңгі­мелейді. Бұл кітап жасанды интеллект тех­нологиясымен саналы және тиімді қа­рым-қатынас жасағысы келетіндер үшін құн­ды ресурс.
5. Жапонның жас жазушысы Асако Юдзу­кидің  Hooked («Тәуелді») романы жа­пон қоғамындағы әйелдер арасындағы дос­тық, қызғаныш пен әлеуметтік қысым та­қы­рыптарын көтереді. Токиода тұратын кезінде жас­тарға кумир болған танымал ханым, те­ле­журналист және үй шаруасындағы үш әйелдің өмірі бір-бірімен тоқайласады. Олар­ды ортақ мүдде – қызғаныш пен көреалм­ау­шы­лық біріктіреді.
Юдзуки романында «әйелдер бір-бірін не­ге бақылайды?» деген сауал төңірегінде те­рең психологиялық және әлеуметтік порт­рет жасаған. Бұл – автордың ағылшын тіліне аударылған алғашқы туындысы.
6. Лайза Миннелли «Балалар, мұны тың­даң­дар!» атты романын ұсынады. Бұл кітап ав­тор­дың ерекше және көңілді әңгімелері мен ойларын қамтиды. Ол балаларға ар­нал­ған шығармашылық және қызықты оқиғалар ар­қылы өмірдің түрлі жақтарын ашып көр­сетеді. Кітап балаларға шабыт беріп, олар­дың қиялын дамытып, тыңдауға тұрар­лық құнды дүниелерді ұсынады. Кітап шолушылары автор балаларды ұмыт қалдырмауға үндейтін тамаша туынды ұсынғанын жазып жатыр.
7. Кассандра Клэрдің «Періштелер әлемі­нің соңғы патшасы» – фэнтези жанрындағы эпи­калық, автордың әңгімешіл әле­мін­де жалғасатын жаңа оқиға. Туынды сиқыр­лы әлемдегі соңғы патшаның тағдыры мен оның күресі төңірегінде өрбиді. Автор фольк­­лорлық және мифологиялық мотив­тер­ді шебер пайдаланып, оқырманды әсем әрі күрделі әлемге тартады. Кітапта билік пен тағдыр, достық пен жаулық, махаббат пен құр­бандық қатар өрбиді.
8. Джордан Харпердің «Қатыгез шедевр» ро­маны – қатал әрі әсерлі криминалдық трил­лер. Джордан Харпер оқырманды қара күш пен қатыгездік араласқан күрделі әлемге жетелейді. Кітаптың сюжеттік желісі зорлық-зомбылық пен адам тағдырын­да­ғы қарама-қайшылықтар арқылы өрбиді. Бұл шығарма – тек қана қылмыс туралы әң­гіме емес, сонымен қатар адам психология­сын, оның төзімділігін сынайтын және ішкі күрестерін бейнелейтін туынды.