21 қаңтар күні Қордай аудандық ардагерлер кеңесінің 2025 жылдың қорытындысы бойынша кеңес отырысы өтті. Жиын барысында аудан ардагерлерінің бір жыл ішінде атқарған жұмыстары туралы есептер тыңдалды.
Отырысқа Қордай ауданы әкімінің орынбасары Дамира Сүгірбай Маратқызы қатысты.
Кеңесте аудандық ардагерлер кеңесінің төрағасы Біржан Әлімбет, Әкелер кеңесінің төрағасы Дүкенбай Сегізбаев, «Аналар алқасы» кеңесінің төрайымы Роза Қағазбай баяндама жасап, атқарылған жұмыстарға жан-жақты тоқталды.
Жарыссөзге шыққан ардагерлер Аманқан Рысымбетов пен Күміскүл Сарсенбаева аудандық ардагерлер ұйымдарының жұмысына оң баға беріп, атқарылған істерді «жақсы» деп бағалады.
Сонымен қатар, отырыс барысында аудандық ардагерлер кеңесінің, Аналар, Әкелер және Билер кеңестерінің жұмыс жоспарлары мен құрамдары бекітілді.
Рейтинг қорытындысы бойынша:
• І орын – Степной ауылдық округінің ардагерлер кеңесі (төрағасы Ибрагимов Аршат Имранович);
• ІІ орын – Ауқатты ауылдық округінің ардагерлер кеңесі (төрағасы Семжанов Әділбай Ақынтайұлы) және Масаншы ауылдық округінің ардагерлер кеңесі (төрағасы Малиев Рамазан Омарович);
• ІІІ орын – Қаракемер ауылдық округінің ардагерлер кеңесі (төрағасы Орынтай Бауыржан Түзелұлы), Сортөбе ауылдық округінің ардагерлер кеңесі (төрағасы Дыров Юсуф Хияевич), Бетқайнар ауылдық округінің ардагерлер кеңесі (төрағасы Кежембаев Қали Абдиканұлы).
Жеңімпаздар дипломдармен және бағалы сыйлықтармен марапатталды.
Сонымен қатар, отырыс барысында 20 қаңтар күні Қызылордада өткен V Ұлттық құрылтай отырысындағы негізгі міндеттер мен ұсыныстар талқыланды. Құрылтайда берілген тапсырмалар ардагерлер кеңесінің және аудандық кеңестердің алдағы жұмысында негізгі бағдар болып табылады.
