Қазіргі таңда кәмелетке толмағандар арасындағы құқық бұзушылық қоғам үшін өзекті мәселелердің бірі болып отыр. Осыған байланысты қылмыстық-атқару жүйесінде пробация қызметінің рөлі ерекше. Пробация есебінде тұрған кәмелетке толмаған сотталғандар – қылмыс жасағанымен, жас ерекшелігі мен жеке басының жағдайы ескеріліп, қоғамнан оқшауланбай түзету шараларына тартылған жасөспірімдер. Пробация – сотталған адамды бақылау, әлеуметтік-құқықтық көмек көрсету және тәрбиелік ықпал ету арқылы түзетуге бағытталған шаралар жүйесі. Кәмелетке толмағандарға қатысты пробация тәрбиелік және алдын алу шараларына басымдық береді.
Пробация қызметінің міндеттері:
– мінез-құлқын бақылау;
– тәрбиелік жұмыстар жүргізу;
– психологиялық және әлеуметтік көмек көрсету;
– білім алуына жәрдемдесу;
– ата-аналарымен бірлескен жұмыс.
Пробация кәмелетке толмаған сотталғандарды қоғамға бейімдеудің тиімді жолы болып табылады.
Жамбыл облысы бойынша ҚАЖД Жуалы аудандық ПҚБ.
