Ұсынылып отырған Конституция жобасындағы ең маңызды институционалдық өзгерістердің бірі – бір палаталы Парламент, яғни Құрылтайдың енгізілуі. Бұл қадам заң шығару процесін жеделдетуге ғана емес, саяси жауапкершілікті нақтылауға бағытталған.
145 депутаттан тұратын Құрылтай пропорционалды сайлау жүйесі арқылы қалыптасады. Бұл партиялардың формальды құрылым емес, нақты саяси институтқа айналуына ықпал етеді. Енді партиялар сайлау алдындағы уәделері мен парламенттегі қызметі үшін тікелей саяси жауапкершілік арқалайды.
Бір палаталы модель саяси шешім қабылдаудағы ашықтықты арттырып, қоғам мен Парламент арасындағы байланысты күшейтеді. Мұндай өзгеріс Қазақстанның саяси жүйесін ықшам, бірақ тиімді етуге бағытталғанын көрсетеді.
Тыныштық Бектөреева,
Сарысу ауданы, Мемлекеттік қызметтің ардагері
