Бүгін аудан әкімі Ернар Есіркепов этнос өкілдерімен кездесу өткізіп, Қазақстан Республикасы Конституциясының жаңа жобасының негізгі бағыттары мен оның ел дамуы үшін маңызын түсіндірді.
Кездесу барысында қоғамдық тұрақтылықты нығайту және ауданның әлеуметтік-экономикалық даму перспективалары сараланды.
Жалпы аудан аумағында 20-ға жуық этнос өкілдері тұрады. Бүгінгі таңда «Қазақ», «Орыс», «Неміс», «Қарашай», «Өзбек» этномәдени орталықтарын біріктіретін 5 этномәдени бірлестік тұрақты жұмыс атқаруда.
Аудан орталығында этномәдени бірлестіктерге арналған «Достық үйі» ғимараты қолданысқа беріліп, заманауи талаптарға сай қажетті құрал-жабдықтармен толық қамтамасыз етілген. Қазіргі таңда бұл нысан мәдени іс-шаралар мен тағылымды кездесулер өтетін, достық пен өзара түсіністікті нығайтатын ортақ алаңға айналып отыр.
