Жамбыл облысында ауа райының күрт бұзылып, қалың қар түсуіне байланысты облыс әкімі Ербол Қарашөкеевтің тапсырмасына сәйкес Қордай ауданы әкімінің орынбасары Б.Сахатовтың төрағалығымен арнайы жиын өткізілді.
Жиынға тиісті бөлім, мекеме басшылары мен коммуналдық қызметтердің жауапты мамандары қатысып, қардың қалың түсуі салдарынан жол қозғалысы, коммуналдық инфрақұрылым және тұрғындардың қауіпсіздігі мәселелері талқыланды.
Аудан әкімінің орынбасары Б.Сахатов қатысушыларға төтенше жағдайларға дайындық шараларын күшейту, жолдар мен әлеуметтік нысандардың уақытылы қауіпсіздігін қамтамасыз ету жөнінде нақты тапсырмалар берді.
