2024 жылдың маусым айынан бастап Мемлекеттік қызмет істері агенттігі Төрағасымен қызмет алушылардың мемлекеттік қызметтерді көрсетудің сапасына шағым білдірудің жаңа тетіктерін қарастыру және олармен кері байланыс орнату мақсатында арнайы қосымша іске қосылды.
Аталған платформада қызмет алушылардың мемлекеттік қызметтердің көрсетілуіне шағым, олардың сапасын арттыру, сондай-ақ мемлекеттік аппаратты бюрократиядан арылту бағытында ұсыныстарды білдіру тетіктері қарастырылған.
Telegram мобильді қосымшасында нақты уақыт режимінде мемлекеттік қызмет көрсету сапасына шағымданудың жаңа тетігі енгізілді. «EgovKzBot2.0» бот-платформасы арқылы мемлекеттік көрсетілетін қызметтер бойынша шағым беруге, бюрократияны азайту және бизнес-процестерді оңтайландыру жөнінде ұсыныс жолдауға болады.
ҚР Мемлекеттік қызмет істері агенттігі мен Цифрлық даму, инновациялар және аэроғарыш өнеркәсібі министрлігі азаматтарға арналған осы функцияны енгізуге бастамашы және әзірлеуші болды.
Ыңғайлы интерфейсі бар функцияны қолдану арнайы дағдыларды талап етпейді. Енді мемлекеттік көрсетілетін қызметтерді алу кезінде күрделі мәселелер туындаған жағдайда азаматтар «EgovKzBot2.0» Telegram-ботына мемлекеттік қызметті беруші мекеменің деректерін енгізіп, өз пікірлері мен ұсыныстарын немесе шағымдарын жібере алады.
Мемлекеттік қызметті алу барысында артық құжаттарды талап ету, негізсіз бас тарту немесе уақтылы қызмет көрсетпеу және басқа да фактілер бойынша өтініш жіберуге болады.
Барлық келіп түскен шағымдар мен ұсыныстарды жауапты тұлғалар қарастырып, кері байланысты қамтамасыз ету арқылы мәселелерді қысқа мерзімде шешеді.
Қазақстан Республикасы Мемлекеттік қызмет істері агенттігінің Жамбыл облысы бойынша департаментімен 2025 жылдың 12 айында «EgovKzBot2.0» бот-платформасы арқылы жалпы біздің өңірге қатысты 64 шағым келіп түсті, оның 39-ны өзі шешімдерін тауып, 25 шағымға түсіндірме жұмыстары берілді.
Қазіргі уақытта көрсетілетін мемлекеттік қызметті алушылардың құқықтарын қорғауға және қалпына келтіруге баса назар аударылғанын атап өткіміз келеді.
2025 жылдың қорытындысы бойынша жалпы 731 қызмет алушылардың құқықтары қалпына келтірілді.
Оның ішінде:
— Осылайша жоспарлы тексеру барысында 145 қызмет алушының құқықтары қалпына келтірілді;
— Сондай-ақ, жоспардан тыс тексеру жүргізу барысында 19 көрсетілетін қызметті алушының құқықтары қалпына келтірілді
— Сұрау салу арқылы 19;
— Қашықтықтан бақылау арқылы 547;
— «EgovKzBot2.0»телегарам бот арқылы 1 азаматтың құқықтары қалпына келтірілді.
Анықталған бұзушылықтар бойынша тиісті органдарға ұсыныстар енгізілді.
Естеріңізге сала кетейік, мемлекеттік қызмет көрсетуден негізсіз бас тартылған және заңды құқықтарыңыз бұзылған жағдайда, Сіз ҚР Мемлекеттік қызмет істері агенттігінің Жамбыл облысы бойынша департаментіне Тараз қаласы, Рысбек батыр бұрылысы, 8 «А» мекенжайы немесе 8 (7262) 43-88-08 нөмірі бойынша, сондай-ақ «EgovKzBot2.0»телегарам бот арқылы өтінішхабарласа аласыз.
Өтінішті «E-otinish» азаматтарының барлық өтініштерін қабылдау мен өңдеудің бірыңғай платформасы арқылы да беруге болады.
