istockphoto.com
Алматы облысында 20 жыл бұрын адам өлтірген күдікті ұсталды: 3 наурыз 2026, жаңалықтар Turkystan.kz
Алматы облысында шамамен жиырма жыл бұрын жасалған кісі өлтіру қылмысы ашылды, деп хабарлайды turkystan.kz.
Өңір прокуратурасы 2006 жылғы қыркүйекте жасалған адам өлтіру ісі бойынша тергеуді аяқтады.
Қылмыскерлер өздерін такси жүргізушісі ретінде таныстырып, Қырғызстан азаматшасын көлікке отырғызған. Кейін оны өлтіріп, заттарын алып кеткен және мәйітін «Алматы – Қапшағай» тасжолы бойына тастап кеткен.
Екі қылмыскер 2007 жылы сотталған, алайда үшінші адамға қатысты іс аяқталмай қалған.
Алматы облысы прокуратурасының қызметкерлері мұқият тексеру жүргізіп, бұрын ашылмай келген қылмысты анықтаған. Аида Иманалиева мен Әлия Сәрсекеева есімді прокурорлардың күш-жігерінің арқасында күдікті 2025 жылдың шілде айында ұсталды.
Сот айыпталушыны кінәлі деп танып, оған 16 жыл бас бостандығынан айыру жазасын тағайындады.
Толық нұсқасына гиперсілтеме беруді ұмытпаңыз: https://turkystan.kz/article/277223-almaty-oblysynda-20-zyl-buryn-adam-oltirgen-kudikti-ustaldy
