Ш. Уәлиханов атындағы облыстық әмбебап ғылыми кітапхана қызметкерлері 85395 әскери бөлімінде Жамбыл Жабаевтың туғанына 180 жыл толуына орай «Жамбыл Жабаев – Ұлы даланың алып жаршысы» атты әдеби — танымдық кеш ұйымдастырды.
Іс-шараның мақсаты – ақын мұрасын кеңінен насихаттау, жас сарбаздардың рухани-танымдық деңгейін арттыру және ұлттық әдебиетке деген қызығушылығын ояту.
Кеш барысында Жамбылдың өмірі мен шығармашылығы кеңінен насихатталып, оның қазақ әдебиетіндегі орны ерекше аталып өтті. Кітапхана қызметкерлері «Жамбылдың жыр керуені» атты кітап көрмесіне библиографиялық шолу жасап, қатысушыларды ақын мұрасымен кеңінен таныстырды.
Сонымен қатар, жас ақындар жырдан шашу шашып, әскери бөлім сарбаздары ақын өлеңдерін мәнерлеп оқыды.
Көрмеде ақынның өмір жолын және әдеби мұрасын көрсететін кітаптар, ғылыми зерттеулер мен танымдық басылымдар қойылды.
