Атыраулық жас жұбайлар — Айгерім Даулетиярова мен Айдар Жұмиян — Халықаралық әйелдер күніне орай жылыжайда 200 мың қызғалдақ өсірді. Бұл олар үшін гүл өсірудегі алғашқы дербес тәжірибе.
Қызғалдақтың пиязшықтары Нидерландтан арнайы тапсырыспен алдырылған. Гүлдер гидропоника әдісімен, шамамен +14°C температурада өсірілген.
Өнімнің бір бөлігі 14 ақпанға дейін сатылып үлгерсе, қалғаны 8 наурыз қарсаңында сатылымға шығарылады.
Қазіргі таңда отбасының Атырауда 12 гүл дүкені бар, онда шамамен 50 адам жұмыс істейді. Қызғалдақ маусымы аяқталғаннан кейін жылыжайда хризантема өсіру жоспарланып отыр, осылайша гүл бизнесін жыл бойы жүргізуді көздеп отыр ![🌿]()
![💐]()
Динара Канбетова
