Жамбыл облысы бойынша ҚАЖ департаментінің №67 мекемесінде ҚАЖ комитетінің Өзіндік қауіпсіздік басқармасының полковнигі Оспанбек Бижигит Сапарымбетұлының қатысуымен жұмыс кездесуі өткізілді.
Кездесу барысында қызметкерлерге сыбайлас жемқорлыққа қарсы іс-қимыл саласындағы заңнама талаптары жан-жақты түсіндірілді. Сонымен қатар, қызметтік тәртіпті сақтау, лауазымдық өкілеттіктерді теріс пайдалануға жол бермеу мәселелеріне ерекше назар аударылды.
Іс-шара аясында құқық бұзушылықтардың алдын алу бағытында түсіндіру жұмыстары жүргізіліп, нақты мысалдар келтірілді.
Кездесу ашық диалог форматында өтіп, қызметкерлер тарапынан қойылған сұрақтарға толық әрі мазмұнды жауаптар берілді.
Кездесу қорытындысы бойынша аталған іс-шараның қызметтік тәртіпті нығайтуға және заңдылықты қамтамасыз етуге оң ықпал ететіні атап өтілді.
