Танымал продюсер түсірген фильмде тек бір ғана қазақстандық акриса ойнайды, деп хабарлайды turkystan.kz.
Қазақстандық жалғыз актрисаның есімі — Дариға Бадықова. Ол кинода жүк көлігінің жүргізушісі рөлін сомдайды.
«Достар! Сіздермен тамаша жаңалықпен бөліскім келеді: біз Америкада фильм түсірдік! “WHAT IS ҰЯТ?” — бұл Америкада түсірілген, актерлер құрамының жүз пайызы америкалықтардан тұратын, тек бір ғана қазақ актрисасы ойнаған алғашқы қазақстандық фильм. Басты рөлді, яғни жүк көлігін жүргізетін әйелдің рөлін Дариға Бадықова керемет сомдады. Ұзақ дайындықтан кейін осы жобаны ақыры жүзеге асырғанымызға өте қуаныштымын. Осы жұмысқа атсалысқан бүкіл командамызға алғыс айтамын және жуырда бұл аса қызықты хикаяны үлкен экрандардан көресіздер деп үміттенемін!», — деп жазды Баян Мақсатқызы.
Толық нұсқасына гиперсілтеме беруді ұмытпаңыз: https://turkystan.kz/article/278327-baian-alagozova-akterlik-quramy-100-amerikalyqtardan-turatyn-film-tusirdi
