Наурызнама күнтізбесінің — Ұлттық спорт күнінде аудандық орталық ауруханада кешенді шаралар өткізілді. Мерекелік шараны аудан әкімі Сәкен Мамытов, қалалық билер кеңесінің төрағасы Сағынбек Бегеев, аудандық ардагерлер кеңесінің мүшелері, мекеме және бөлім басшылары тамашалады. Алдымен келушілер тал егіп, ата дәстүрді қайта жаңғыртты.Мұнан соң әжелер қауымы «Көрісу», » Ұршық иіру», сынды дәстүрлерді ұсынды. Аудан басшысы «Тұсаукесер» рәсімінде кішкентай сәбидің тұсауын кесіп, қадамына құт береке тіледі. Спортты насихаттауға бағытталған думанды шарада ұлттық спорт түрлері гір тасын көтеру, қазақша күрес, арқан тартудан сайыстар өткізілді.