Reuters.com
Қытайдың танымал зауытындағы автокөліктер өртеніп кетті: 14 сәуір 2026, жаңалықтар Turkystan.kz
Қытайдың Шэньчжэнь қаласында BYD компаниясына тиесілі өндірістік кешенде өрт болды. Reuters агенттігінің мәліметінше, оқиға салдарынан зардап шеккендер тіркелмеген, деп хабарлайды turkystan.kz.
Өрт таңертең ерте тұтанып, кәсіпорын аумағындағы автотұрақты шарпыған. Компания өкілдері жағдайды растап, тілсіз жаудың сынақтан өткен әрі пайдаланылған көліктер тұрған аймақта шыққанын хабарлады.
Өрт болған нысан Шэньчжэнь қаласының Пиншань ауданында орналасқан. Бұл аумақта компанияның негізгі өндірістік базасы мен бас кеңсесі де шоғырланған. Алғаш болып өрт туралы ақпаратты жергілікті құтқару қызметі таратқан.
Оқиғадан кейін BYD акциялары шамамен 0,6 пайызға төмендегені айтылды.
Әлеуметтік желілерде тараған видеоларда қою қара түтіннің аспанға көтерілгені және көпқабатты гараждың жоғарғы бөлігін жалын шарпығаны көрінеді.
Сарапшылардың айтуынша, электр көліктері жанған жағдайда өртті сөндіру әдеттегі көліктерге қарағанда әлдеқайда қиын, әрі ұзақ уақытқа созылуы мүмкін.
Толық нұсқасына гиперсілтеме беруді ұмытпаңыз: https://turkystan.kz/article/279759-qytaidyn-tanymal-zauytyndagy-avtokolikter-ortenip-ketti
