Татулық пен тұрақтылық, ынтымақ пен достық-ел бірлігінің өлшемі. Мемлекет басшысы Қасым-Жомарт Тоқаев Қазақстан халқы Ассамблеясының 30 жылдық мерейтойына арналған салтанатты жиында: -Бірлік ұғымы қазір дүние жүзіндегі тұрақсыз жағдайда аса маңызды. Әлемде әсіресе, біздің айналамыздағы кейбір елдерде не болып жатқанына куә болып отырмыз. Сондықтан шын мәнінде, «Бірлік бар жерде ғана тірлік бар». Бұл-ақиқат»,-деген болатын.
Елімізде жыл сайын аталып өтілетін 1 мамыр- ұлттарды ортақ тілекке ұйыстыратын, асқақ мақсатқа бастайтын айтулы мейрам. Биыл да Қазақстан халқының бірлігі күні аудан көлемінде кеңінен мерекеленді. Орталық «Жеңіс» алаңында әр ұлттың салт-дәстүрінен сыр тартатын ктіаптар және қолөнер туындыларына арналған көрме ұйымдастырылды. Сондай-ақ, орыс, кәріс, неміс, күрді энос өкілдері ұлттық тағадарын әзірлеп, мерекеге келген көпшілікке ұсынды.
Ортақ қуанышқа жиылған тұрғындарды аудан әкімі Нұрбол Жүнісбеков 1 мамыр-Қазақстан халқының бірлігі күнімен құттықтап, жылы лебізін білдірді.
Аудан өнерпаздарының қатысуымен өткен мерекелік шара зтнос өкілдерінің орындауындағы ән мен биге ұласты. Әр ұлттың салт-дәстүрін айшықтайтын сахналық қойылымдар мерекенің көрігін қыздырды. Сондай-ақ бұл күні ашық аспан астында қол күресі, кермеге тартылу, кім мықты және арқан тарту ойындарынан жарыстар өткізіліп, үздік деп танылған спортшыларға дипломдар мен арнайы сыйлықтар табыс етілді.
1 мамыр-Қазақстан халқының бірлігі күні ауылдық округтерде де кең көлемде аталып өтті.
Талас ауданы
