Ұлы Жеңіс күні соғыс ардагері Рзағұл Байкешевті арнайы құттықтап, соғыс даласында көрсеткен ерлігі үшін шынайы алғысымды білдірдім.
Рзағұл Байкешев 1923 жылы Ақтөбе облысының Мұғалжар ауданында дүниеге келген. Соғыс жылдары Калинин облысында, Рыжов және Великий Луг қалаларында шайқасып, Польша, Румыния және Венгрияны азат ету жолындағы ұрыстарға қатысқан. Екі ұл тәрбиелеп өсіріп, бүгінде бес немере мен жеті шөбере сүйіп отыр.
Отан үшін от кешіп, есімін тарихта қалдырған батырлардың арқасында біз бүгін болашаққа сеніммен қарап, ел игілігі жолында еңбек етіп келеміз. Батырларымыздың өлшеусіз ерлігі әрдайым жүрегімізде сақталады. Болашақ ұрпақтың бейбіт өмірі мен амандығы үшін жанқиярлық пен батылдық танытқан әрбір жанға шексіз ризашылық пен құрмет білдіремін.
Барлық ардагерге зор денсаулық, ұзақ ғұмыр тілеймін. Жақындарыңыз жандарыңызда болып, немере-шөберелеріңіз бейбіт әрі тәуелсіз елде бақытты өмір сүре берсін!
Жеңіс күні құтты болсын!
