Facebook-те небір былапыт, арзан сөздер айтылатын лас, батпақты топтар болады. Ол жерге пост салатын адамдар да лақап атпен отырады. Мысалы : “ Қазақтың қара, сары қызы”, тб. ))
Ең өкініштісі, үнемі мәдениетті, салмақты болып көрінетін кейбір адамдар дәл сондай ортадан табылып жатады. Өздерін қанша жерден биік ұстағысы келгенімен, сол лас пікірталастардың бел ортасында жүріп, әр посттың астына пікір қалдырудан шаршамайды. Өзі де сондай сарында пост салып қояды да, күні бойы солармен бос әңгіме айтып отырады.
Адамның әлеуметтік желіде жазған әрбір сөзі — оның ішкі мәдениеті мен танымының көрінісі. Сырты қанша жерден әдемі көрінгенімен, мұндай топтардағы жазылған пікірлер адамның шынайы деңгейін байқатып, уақыт өте келе оның нағыз болмысын алдыға шығарады.
Ешкім танымайтын жерде ғана адамның ішкі «мәдениетінің» шынайы деңгейі мен тәрбиесінің бағасы шығады. Сырты жылтыр маска, ал іші базар ортасы…..
