Алаяқтар пайдаланушыларға Telegram-ның ресми қолдау қызметінің атынан жалған хабарламалар жолдауда. Онда аккаунтты өшіруге сұраныс түскені және оны тоқтату үшін шұғыл түрде арнайы батырманы басу қажеттігі айтылады.
«Әдетте, алаяқтар пайдаланушыға психологиялық қысым жасап, уақытты шектейді. Олар өшіруді тек 24 сағат ішінде ғана тоқтатуға болатынын, әйтпесе барлық жазбалар, файлдар мен контактілер біржола жойылатынын айтып қорқытады. Мақсат – адамды асықтырып, қателік жасату», – деп түсіндірді орталық мамандары.
Пайдаланушы батырманы басқан кезде жалған Telegram-ботқа немесе фишингтік сайтқа өтіп кетеді. Ол жерде SMS арқылы немесе мессенджердің өзінен келген растау кодын енгізу талап етіледі. Шын мәнінде, аккаунтты өшіруді тоқтатудың мұндай процедурасы табиғатта жоқ. Кодты енгізген сәтте жолданым алаяқтардың қолына өтіп, олар сіздің атыңыздан жақындарыңыздан ақша сұрауға мүмкіндік алады.
Күмәнді хабарламаны қалай тануға болады? (Негізгі белгілері):
Жіберуші өзін «қолдау қызметі» деп таныстырады, бірақ ресми расталған (көк белгісі бар) мәртебесі жоқ;
Сілтемеге өтуді немесе ботты пайдалануды шұғыл талап етеді;
SMS немесе Telegram-нан келген құпия кодты енгізуді сұрайды;
Хабарлама мәтінінде қателер, стилистикалық бұзылулар немесе оғаш сөздер кездеседі.
Аккаунтты қорғау үшін не істеу керек?
1 Растау кодтары мен парольдерді ешкімге айтпаңыз және еш жерге енгізбеңіз.
2 Күмәнді сілтемелерге мүлдем өтпеңіз.
3 Қолданба параметрлерінен міндетті түрде «Екі кезеңді аутентификацияны» (двухэтапная аутентификация) қосыңыз.
4 Желідегі белсенділікті бақылау үшін «Құрылғылар» (Устройства) бөлімін жиі тексеріп, бөтен немесе күмәнді қосылымдарды өшіріп тастаңыз.
фото: Ашық дереккөзден
