Қоғаммен бірге қайнатып, буынмен бірге бітескен аудандық басылымның жастар үшін берер тәлім мен тәрбиесі мол. Әр нөмірі қызықты әрі танымды ақпараттармен толысады. Мағыналы әңгімелер мен қажетті кеңестерді іздесең төл басылымнан табасың. Келелі ой мен тың деректерді жеткізуде газеттің рөлі басым. Сансыз деректер мен түрлі дәйектердің ізін көруге болады.
Осы орайда бүгін аудандық әкімдіктің мәжіліс залында аудан әкімінің орынбасары Жұмат Сақыпбековтың төрағалығымен жазылым бойынша жиын өтті. Жиынға кәсіпорын басшылары, аудандық құқық қорғау органдарының өкілдері, аудандық білім бөлімі, спорт бөлімі мен аудандық орталық аурухананың басшылары қатысты. Кездесуде Жұмат Жұмабекұлы мерзімді басылымдарға жазылудың маңыздылығына тоқталды: — Сергектікпен қатар сенімділікті сыйлайтын төл басылымға жазылуға үлкен қолдау қажет. Қоғамдағы жаңалықтар мен танымдық материалдарды ұсынып отырған газетке жазылу баршамызға ортақ іс, — деді. Жиынға қатысушылар басылымға жазылу науқаны кезінде белсенділіктерін танытатынын айтты.