Ағымдағы аптада қала мен ауыл әкімдерінің және бөлім мен мекеме басшыларының қатысуымен кезекті аппараттық жиын өтті. Кеңес отырысының күн тәртібіне қойылған бірінші мәселе бойынша кәсіпкерлік және өнеркәсіп бөлімінің басшысы баяндама жасады.
Тұтастай алғанда, ауданға инвесторлар тарту бағытында былтыр 30 инвесторлармен кездесу өткізілсе, биылғы 5 айда 17 кездесу өткізілген. Сонымен қатар ауданда жалпы құны 1,13 трлн теңгені құрайтын 33 инвестициялық жобалармен жұмыс жүргізілуде. «Jibek joly» АЭА-да іске асырылып жатқан жобалар саны 7-ге жетіп отыр. Дейтұрғанмен де бұл бағыттағы жұмыстарды одан әрі жандандыру, жүзеге асып жатқан жобаларға барынша қолдау білдіру, жергілікті тұрғындарды тұрақты жұмысқа орналастыру сынды жұмыстарды ширата түсу қажеттігі ескертілді.
Сонымен бірге, ауылшаруашылығы бөлімі тарапынан атқарылған жұмыстар, егін орағы мен қыр төсіндегі қарбаластың мән-жайы тыңдалды. Одан бөлек, Жаңақоғам ауылдық округінің әкімі ауылдағы ахуалға байланысты баяндама жасаса, аталмыш ауылға жүргізілген инспекторлық зерделеу жұмыстарының нәтижесі айтылды.
Бақытжан Жәнібеков, ШУ АУДАНЫНЫҢ ӘКІМІ
