Талас аудандық аумақтық сайлау комиссиясының 2026 жылғы 13 шілдедегі шешіміне сәйкес, «AMANAT» партиясынан ұсынылған Момбеков Ришад Әмірханұлы Тамды ауылдық округінің әкімі болып сайланды.
Сайлау қорытындысы бойынша Ришад Әмірханұлы 376 дауыс жинап, сайлаушылардың 81,21 пайыз қолдауына ие болды.
Момбеков Ришад Әмірханұлы 1982 жылғы 25 қыркүйекте Жамбыл облысы, Талас ауданы, Тамды ауылында дүниеге келген.
2009 жылы М.Х.Дулати атындағы Тараз мемлекеттік университеті Қаратау көпсалалы колледжін «Заңгер» мамандығы бойынша, 2010 жылы Қаратау қаласындағы №2 кәсіптік лицейді «Электр жабдықтарын жөндеу және күту электромонтері» мамандығы бойынша, ал 2012 жылы М.Х.Дулати атындағы Тараз мемлекеттік университетін «Құқықтану» мамандығы бойынша тәмамдаған.
Еңбек жолы:
2002–2007 жылдары – Астана қаласындағы «Мабко констракшнз» ЖШС-де арматуршы, бетоншы; 2007–2010 жылдары – Талас ауданы әкімдігі білім бөлімінің А.С.Пушкин атындағы орта мектебінде күзетші; 2013–2016 жылдары – «Халыққа қызмет көрсету орталығы» РМК Жамбыл облысы бойынша филиалының Талас аудандық бөлімінде инспектор; 2016 жылы – «Халыққа қызмет көрсету орталығы» департаментінің Тараз қаласы №1 бөлімінің инспекторы; 2016 жылы – «Халыққа қызмет көрсету орталығы» департаментінің Талас аудандық бөлімінің жинақтау секторының жетекші инспекторы; 2016–2021 жылдары – «Халыққа қызмет көрсету орталығы» департаментінің Талас аудандық бөлімінің бас маманы; 2021–2024 жылдары – «Condor KZ» ЖШС директорының орынбасары; 2024–2025 жылдары – Талас ауданы әкімдігінің «Талас-таза су» ШЖҚ КМК-ның бас инженері қызметін атқарды.Отбасылы, алты бала тәрбиелеп отырған көпбалалы әке.
