Тараз қаласында балалардың жазғы демалысын ұйымдастыру жұмыстары жүйелі түрде жалғасуда.
«Тау самалы» қала сыртындағы сауықтыру лагерінде алғашқы екі кезеңде 207 оқушы демалды. 12 шілдеде үшінші кезеңге тағы 200 оқушы жолданды.
«Берікқара» сауықтыру лагерінің бірінші кезеңіне 310 оқушы жіберілді. Алдағы екі кезеңде бұл лагерьде тағы 1000 оқушының демалысын ұйымдастыру жоспарланған.
1–26 маусым аралығында мектеп жанындағы лагерьлерде 31 475 баланың жазғы демалысы ұйымдастырылды. Демалыс алаңдары киіз үйлі лагерь, палаткалы лагерь және шығармашылық-бағдарлы бағыттар бойынша жұмыс істеп, балалардың бос уақытын мазмұнды әрі тиімді өткізуіне мүмкіндік жасады.
Жалпы, биыл Тараз қаласында 33 мыңнан астам баланың жазғы демалысы мен сауықтыруы ұйымдастырылуда. Бұл жұмыстар балалардың қауіпсіз әрі қызықты демалысын қамтамасыз етуге бағытталған.
