Фото: City of Gosnells
АҚШ-тың Вашингтон штатында болған ірі орман өрттері салдарынан 600-ден астам ғимарат жанып, ондаған мың тұрғын қауіпсіз жерге көшірілді, деп хабарлайды turkystan.kz.
АҚШ-тың Төтенше жағдайларды басқару жөніндегі федералдық агенттігінің мәліметінше, үш ірі өрт ошағы жалпы көлемі 5 390 акрды (2 181 гектар) қамтыған.
Олардың ішінде Old Trails өрті 3 509 акр аумақты шарпыса, Fairview өрті 981 акрды, ал Autumn Lane өрті 900 акр жерді күлге айналдырған.
Ресми тұлғалардың мәліметінше, Спокан қаласы аумағында 60 мың адам эвакуацияланған. Өрт сөндіру қызметінің дерегіне сәйкес, тек Old Trails орман өртінің салдарынан 640 ғимарат жойылған.
Қазіргі уақытта билік өкілдері бүлінген немесе қираған нысандардың қаншасы тұрғын үйлер, коммерциялық ғимараттар немесе білім беру мекемелері екенін әлі нақтылаған жоқ.
Жексенбі күні Вашингтон штатында шамамен 12 мың тұтынушы электр қуатынсыз қалды. Олардың басым бөлігі Спокан қаласының тұрғындары екені хабарланды.
Толық нұсқасына гиперсілтеме беруді ұмытпаңыз: https://turkystan.kz/article/285858-aqs-ta-orman-ortine-bailanysty-60-myn-adam-evakuaciialandy
