сурет: istockphoto.com
АҚШ-тың Нью-Йорк штатында сирек кездесетін әрі емі жоқ Бурбон вирусын жұқтырған алғашқы адам анықталды. Бұл туралы People журналы жазды, деп хабарлайды turkystan.kz.
Вирус 67 жастағы Лонг-Айленд тұрғыны Майкл Ларкиннен анықталған. Ол ауласында жұмыс істеп жүрген кезде аяғынан Lone Star кенесінің екі данасын тапқан. Біраз уақыттан кейін ер адам қатты әлсіреп, денесі ауырып, ауруханаға жатқызылған.
Бурбон вирусы алғаш рет 2014 жылы Канзас штатындағы Бурбон округінде тіркелген. Содан бері аурудың жекелеген жағдайлары АҚШ-тың Орта Батыс өңірінде, Шығыс жағалауында және оңтүстік штаттарында анықталған.
Аурудың негізгі белгілеріне дене қызуының көтерілуі, қатты шаршау, бұлшықет пен буындардың ауыруы, теріге бөртпе шығуы, жүрек айну және құсу жатады. Мамандардың болжамынша, вирус адамға кене шағу арқылы жұғады. Қазіргі уақытта Бурбон вирусына қарсы вакцина да, арнайы ем де жоқ. Сонымен қатар бұл ауруды анықтау да оңай емес.
Ауруды таратушы Lone Star (Amblyomma americanum) кенесі Солтүстік Америкада кездеседі. Оның атауы аналығының арқасындағы жұлдыз пішіндес ақ даққа байланысты қойылған.
Айта кетейік, бұған дейін Ресейдің «Вектор» ғылыми орталығы ел аумағында кенелер, масалар, жарқанаттар және ұсақ сүтқоректілер арқылы таралатын 30 жаңа РНҚ-вирусын анықтағанын хабарлаған.
Толық нұсқасына гиперсілтеме беруді ұмытпаңыз: https://turkystan.kz/article/285838-aqs-azamatynan-emi-zoq-sirek-virus-anyqtaldy
