pixabay.com
Түркістан қаласында BMW автокөлігімен жол ережесін өрескел бұзып, дрифт жасаған жүргізуші жауапқа тартылды, деп хабарлайды turkystan.kz.
Полиция қызметкерлері әлеуметтік желілерге жүргізілген мониторинг барысында қала көшелерінің бірінде қауіпті маневр жасаған көліктің видеосын анықтаған.
Тексеру нәтижесінде BMW автокөлігін 19 жастағы жігіт басқарғаны белгілі болды.
Құқық бұзушыға қатысты заңнамаға сәйкес тиісті шара қолданылды. Ал көлік арнайы айыптұраққа қойылған.
Полиция жүргізушілерді жол қозғалысы ережелерін сақтауға, қоғамдық орындарда қауіпті әрекеттер жасамауға және өзге адамдардың өмірі мен денсаулығына қатер төндірмеуге шақырды.
Толық нұсқасына гиперсілтеме беруді ұмытпаңыз: https://turkystan.kz/article/286069-turkistanda-kosede-drift-zasagan-19-zastagy-zurgizusi-zazalandy
