Шықпаса сіздердегі оймен егіз.
Ағайын бұл сөзіме қой демеңіз.
Отыз жас, қырық жастың бәрін атап,
Не болса соны думан дей береміз.
Ол түгіл былтыр қыста қысыр қалған,
Ешкіміз егіз тапса, той береміз.
Мәз болып сонымызға мақтанамыз.
Той жасап шабылғанға шаттанамыз.
Баламыз аш-жалаңаш отырсада,
Барымызды сол тойға ап барамыз.
Сабылып рестораннан, ресторанға,
Бір күнде бірнеше той атқарамыз.
Той үшін жанұямен жанжалдасып,
Той үшін кредитке ақша аламыз.
Банкке де белшеден қарызданып,
Құдайға да күнәһар боп қаламыз.
Әйелің қуандырса бала туып.
Сүндет той жасау дұрыс дара тұрып.
Үйленсең той беруде сөкет емес,
Қолыңда бақ дәулетің бола тұрып.
Шығындап барымызды ысырапқа,
Қайтеміз күн батырып, таң атырып.
Оданда кембағалға көмек көрсет,
Құдайдың бергеніне тоба қылып.
Елу жас, алпыс жасты тойлай беру,
Дархандық емес елім, дарақылық!
@oljas_otar
