Фото: instagram / zhaloby__astana
Астанада автобус көшедегі жарықтандыру бағанын қағып, оны шамамен 20 метр сүйреп кеткен, деп хабарлайды turkystan.kz.
«Автобус бағанды қағып, шамамен 20 метр сүйреп кетті. Бұлай қалай болуы мүмкін? Жолаушылар зардап шекпеген шығар деп үміттенемін. Жедел жәрдем ешбір зардап шегушісіз кетіп қалды, жүргізуші де автобустың айналасында жүрді, өзі де зардап шекпеген», – делінген желі қолданушысының жазбасында.
Полицияның хабарлауынша, 20 тамыз күні Yutong маркалы бағыттық автобус жүргізушісі Ардагерлер көшесімен келе жатып, рөлді басқара алмай қалып, көшедегі жарықтандыру бағанына соғылған.
«Жол-көлік оқиғасы салдарынан зардап шеккендер жоқ. Жүргізуші әкімшілік жауапкершілікке тартылды», – деп хабарлады полиция.
Толық нұсқасына гиперсілтеме беруді ұмытпаңыз: https://turkystan.kz/article/287162-astanada-avtobus-baganga-sogyldy
