13 қыркүйекте өткен Биназар ауылдық округі әкімінің сайлауында тұрғындардың қолдауына ие болған Атаев Қамбар Сманғалиұлы округ әкімі болып қайта сайланды.
Бүгін аудан әкімінің орынбасары Мейірхан Тулеулиев Биназар ауылдық округі әкімдігі ұжымының қатысуымен қайта сайланған әкімді таныстыру рәсімін өткізді.
Өмірбаяны
Қамбар Сманғалиұлы 1981 жылғы 24 шілдеде Жамбыл облысы, Мойынқұм ауданының Бірлік ауылында дүниеге келген. Білімі жоғары. 2019 жылы Орталық Азия инновациялық университетін «Құқық» мамандығы бойынша бітірген.
Еңбек жолы
• 2003–2005 жылдары — Қарасай пошта байланыс торабының инкассаторы;
• 2006–2008 жылдары — Алматы қаласы ішкі істер бөлімінің қызметкері;
• 2012–2013 жылдары — Алматы қаласындағы «Компания Алюр» ЖШС заңгерінің көмекшісі;
• 2016–2019 жылдары — Биназар ауылындағы «Биназар Агро» ауыл шаруашылығы өндірістік кооперативінің басшысы;
• 2019–2022 жылдары — «Айбар» ауыл шаруашылығы өндірістік кооперативінің басшысы;
• 2022 жылғы 18 қазаннан бері — Биназар ауылдық округінің әкімі.
Қызметтік тізімдегі мәлімет бойынша жалпы еңбек өтілі — 15 жыл 6 ай, мемлекеттік қызмет өтілі — 6 жыл 2 ай.
Қайта сайлану — тұрғындардың сенімі әрі ауылдың алдағы дамуына жүктелген жауапкершілік. Қамбар Сманғалиұлына елді мекеннің өзекті мәселелерін шешу, тұрғындармен ашық байланыс орнату және ауыл игілігіне бағытталған жұмыстарды жалғастыру жолында табыс тілейміз!
