Ұлттық ұлан
Өскеменде ІІМ Ұлттық ұланның әскери қызметкерлері алғаш рет жүзуден жарыс өткізді, деп хабарлайды turkystan.kz.
5518 бөлімінде өткен бәсекеде 20-дан астам офицер мен келісімшарт бойынша әскери қызметкер командир жүлдесі үшін бақ сынады.
Дене шынықтыру-сауықтыру кешенінің бассейнінде өткен жарыста олар жүзу жылдамдығы, төзімділік пен техника бойынша өзара мықтыны анықтады.
Жарыс қорытындысы бойынша жеңімпаздар мен жүлдегерлер анықталып, үздік нәтиже көрсеткен әскери қызметкерлер медальдармен, кубоктармен және грамоталармен марапатталды.
Іс-шараның тағы бір маңызды жаңалығы — спорт саласындағы ынтымақтастықты кеңейтуге бағытталған келісімнің жасалуы.
Жарыс аясында 5518 әскери бөлімі, «Berel» кәсіпқой волейбол клубы және дене шынықтыру-сауықтыру кешені арасында өзара ынтымақтастық туралы меморандумға қол қойылды.
Меморандум әскери қызметкерлердің дене дайындығын жетілдіру, бұқаралық спортты дамыту, салауатты өмір салтын насихаттау және бірлескен спорттық жобаларды іске асыру бағытындағы өзара іс-қимылды көздейді.
Ұлттық ұлан тарихындағы тұңғыш жүзу жарысы әскери қызметкерлердің спорттық дайындығын жетілдірудің жаңа бағытына бастау беріп қана қоймай, әскери және азаматтық спорт ұйымдары арасындағы ынтымақтастықты нығайтуға негіз болды
Толық нұсқасына гиперсілтеме беруді ұмытпаңыз: https://turkystan.kz/article/289111-oskemende-ulttyq-ulannyn-askeri-qyzmetkerleri-arasynda-zuzuden-zarys-otti
