Мемлекет басшысы қазақ-герман инвестиция-қаржы платформасын құруды ұсынды
Бұл туралы Президент Қасым-Жомарт Тоқаев Германия Федеративтік Республикасына ресми сапары кезінде елдің жетекші іскерлік қауымдастықтары мен қаржы институттарының басшыларымен кездесуінде айтты.
«Мұндай платформа Еуропаның және Германияның капиталын Қазақстан тарапының қоса қаржыландыру, кепілдік беру және бірге тәуекел ету тетіктерімен ұштастырар еді. Ал «Бәйтерек» холдингі мақсатты жобаларды құрылымдау жағын қамтамасыз етеді. Біз елімізде жұмыс істеп жатқан халықаралық қаржы ұйымдарының қатарында экспортты кредиттеумен және инвестицияны сақтандырумен шұғылданатын германиялық институттар да болғанын қалаймыз. Бұл ретте Қазақстанда қызметін бастаған Euler Hermes компаниясымен ынтымақтастыққа айрықша маңыз артамыз», — деді ол.
