АУЫЛ ШАРУАШЫЛЫҒЫ САЛАСЫНДАҒЫ МЕМЛЕКЕТТІК КӨРСЕТІЛЕТІН ҚЫЗМЕТТЕР БОЙЫНША ТҮСІНДІРУ ЖҰМЫСТАРЫ ЖҮРГІЗІЛДІ

Іс-шара Департаменттің және облыс әкімдігінің ауыл шаруашылығы басқармасының бастамасымен, ауыл шаруашылығы саласында мемлекеттік қызметтерді көрсететін мемлекеттік органдардың жауапты мамандарының қатысуымен өткізілді.

Кездесу барысында ауыл шаруашылы саласындағы мемлекеттік қызметтерді көрсету барысында туындайтын проблемалық мәселелер талқыланып, ауыл шаруашылығы техникасын тіркеу және есепке алу, субсидиялау, ауыл шаруашылығы тауарын өндірушілерді (АШТӨ) қолдау, ГАЖ және басқа да мемлекеттік қолдау шараларына қатысты мемлекеттік көрсетілетін қызметтерді алу тәртібі жауапты мамандармен түсіндірілді.

Сонымен қатар, Департаменттің Мемлекеттік көрсетілетін қызметтер басқармасының басшысы Кенжеқұлов Бауыржан Саматұлы жаңадан қолданысқа енгізілген «Мемлекеттік және әлеуметтік жауапкершілігі бар көрсетілетін қызметтер туралы» Заңының нормаларына енгізілген өзгеріс мен толықтырулар жөнінде қызмет берушілерге түсіндірді.