2026 жылғы 1 шілдеден бастап Қазақстан Республикасының жаңа Конституциясы күшіне енді. Бұл – еліміздің конституциялық дамуының жаңа кезеңін айқындайтын маңызды тарихи оқиға. Жаңа Ата Заң мемлекеттің тұрақты дамуына, қоғамдағы заң үстемдігін нығайтуға және азаматтардың құқықтары мен бостандықтарын қорғауға бағытталған негізгі қағидаттарды бекітеді.
Конституцияның басты мәні – адам мен оның құқықтарын қорғауды, қоғам мен мемлекеттің өзара жауапкершілігін күшейтуді қамтамасыз ету. Әр азаматтың заң алдында тең болуы, өзінің құқықтары мен міндеттерін білуі және заң талаптарын сақтауы құқықтық мемлекетті қалыптастырудың маңызды шарттарының бірі.
Заң үстемдігі орныққан қоғамда азаматтардың мемлекеттік институттарға деген сенімі де артады. Осыған байланысты жергілікті атқарушы органдардың қызметінде халықпен ашық диалог орнату, тұрғындардың өтініштері мен ұсыныстарына жедел ден қою, мемлекеттік қызметтердің сапасын арттыру және азаматтардың заңды құқықтарын қорғау мәселелеріне ерекше мән беріледі.
Аудан көлемінде де жаңа Конституцияның негізгі қағидаттарын халық арасында түсіндіру, азаматтардың құқықтық сауаттылығын арттыру және қоғамдық келісімді нығайту бағытындағы жұмыстар жалғаса береді. Әсіресе жастардың құқықтық мәдениетін қалыптастыру, олардың қоғам өміріне белсенді араласуына жағдай жасау маңызды.
Конституцияны құрметтеу – тек оның нормаларын білу емес, сонымен бірге заң талаптарын орындау, қоғамдық тәртіпті сақтау және өзге азаматтардың құқықтары мен бостандықтарына құрметпен қарау.
Жаңа Конституция – әділетті қоғам қалыптастырудың, заң үстемдігін қамтамасыз етудің және елдің орнықты дамуына жағдай жасаудың берік негізі. Оның қағидаттарын өмірде жүзеге асыру – мемлекеттік органдар мен азаматтардың ортақ жауапкершілігі.
