Тараз қаласында әлеуметтік мағызы бар азық-түлік тауарларының бағаларын тұрақтандыру жұмысы жоспарлы жүргізілуде.
Мәселен, бүгін әлеуметтік маңызы бар азық-түлік тауарларына шекті бөлшек сауда бағаларына мемлекеттік бақылау жүргізу мақсатында құрылған жұмысшы тобы қала аумағында орналасқан 11 дүкенді (орта және шағын супермаркеттер) аралды.
Атап айқанда, «Корвет», «Умка», «AsMol», «Рауан», «Dostyk Market», «Orda», «Жұлдыз», «Деменур», «Сабина», «Okey» және «LUX» супермаркеттеріндегі әлеуметтік маңызы бар азық-түлік тауарларының шекті бөлшек бағаларының орындалуына қадағалау жүргізілді.
Нәтижесінде, араланған барлық дүкендерде тазартылған күріш, қарақұмық, тауық жұмыртқасы және күнбағыс майының бағалары шекті бағадан асқан деректері анықталды. Бағасы көтерілген тауарлар қайтадан шекті деңгейге дейін түсірілді.
Осылайша, қолданыстағы заңнамаларға сәйкес министрліктердің бірлескен бұйрығымен белгіленген шекті бағалар бойынша түсіндірме жұмыстарын жүргізу барысында дүкен иелерінің ықыласымен сол мезетте аталған тауар түрлерінің бағалары нормативтік-құқықтық актіге сәйкестендірілді.
Жалпы, аталған бағыттаға жұмыстар арнайы құрылған жұмысшы топпен тұрақты түрде жүргізілетін болады. Осылайша, төтенше жағдай кезінде пайда тауық қалғысы келетін «пысықайлардың» әрекетіне тосқауыл қойылмақ.
