Сыбайлас жемқорлық – қоғамдық санада руханилықтан гөрі, материалдық құндылықтардың басымдық алғанын көрсететін дағдарыс. Азаматтардың кейбір бөлігінің ұғымында сыбайлас жемқорлық үйреншікті іске, ал біреулер үшін зәру мәселелерді заңды айналып өтіп шешудің тәсіліне айналды.
Әрбір қазақстандық, әр отбасы сыбайлас жемқорлыққа қарсы күрес бүкіл қоғамның, әр азаматтың ісі екендігін түсінуі тиіс. Мемлекет пен қоғамның тығыз серіктестігі ғана сыбайлас жемқорлыққа қарсы тұруға негізін қалайтындығы анық. Қоғамның қолдауынсыз жоғарыдан жүргізіліп жатқан сыбайлас жемқорлыққа қарсы шаралар – тиісті нәтижеге қол жеткізуге мүмкіндік туғызбайды.
Мемлекеттің сыбайлас жемқорлыққа қарсы саясатының негізгі бағыттарын іске асыру мақсатында, Қазақстан Республикасының 2015-2025 жылдарға арналған сыбайлас жемқорлыққа қарсы стратегиядағы сыбайлас жемқорлыққа қарсы шаралар кешені, сыбайлас жемқорлыққа қарсы мәдениет деңгейін қалыптастыру жұртшылықтың кең қатысуымен атқарылуы тиіс.
Талас ауданы әкімдігінің кәсіпкерлік, өнеркәсіп және туризм бөлімінің қызметкерлері Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» № 410-V ҚРЗ, 2015 жылғы 23 қарашадағы «Мемлекеттік қызмет туралы» № 416-V ҚРЗ Заңдарын, мемлекеттік қызметкерлердің Қазақстан Республикасы Президентінің 2015 жылғы 29 желтоқсандағы «Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы» № 153 Жарлығын басшылыққа алып, сыбайлас жемқорлыққа қарсы күрес туралы заңнамалардың талаптарын қатаң сақтап, жұмыс атқаруда.
Бөлімде жыл сайын сыбайлас жемқорлыққа қарсы күрес жөніндегі іс-шаралар жоспарлары бекітіліп, тиісті жұмыстар атқарылуда.
Мемлекеттік қызметкерлердің этикасын бақылау кітабы арналған, жеке және заңды тұлғалардың өтініштерін қабылду жәшігі орнатылып, сенім телефоны жұмыс істейді. Бөлім басшысы және мамандардың жеке сұрақтар бойынша келген азаматтарды қабылдау кестесі тоқсан сайын бекітіліп, аудандық «Талас тынысы» газетінде жариялануда.
Сонымен қатар, бөлімде сыбайлас жемқорлыққа қарсы күрес бұрышы орнатылып, ҚР мемлекеттік қызметшілердің «Қазақстан Республикасы мемлекеттік қызметшілерінің әдептілік нормаларына сәйкес мемлекеттік қызметкерлерінің мінез-құлқында этикалық нормалардың орнығуын, өзіне тапсырылған жұмысында жеке жауапкершілікті арттыру саясаты жүргізілуде.
Ауданбек Тауасаров,
аудан әкімдігі кәсіпкерлік өнеркәсіп және туризм бөлімінің басшысы.
