Қазақстанда арнайы ХҚКО-лар автокөлік иелеріне қайтадан мемлекеттік қызмет көрсетуді бастады. Жүйе қалпына келтірілді
Жүйедегі ақау салдарынан қазақстандықтар жүргізуші куәлігін ала алмай қалған. Оған қоса, автокөлік иелері көліктерін тіркеу мүмкіндігінен айырылды.
«Жүйедегі ақаулар жойылды. Жүйе толығымен істен шыққан болатын. Ішкі істер органдарының мамандары мәселені тезірек шешу үшін ауқымды жұмыстар жүргізді», — деп түсіндірді басқарма басшысы Әділ Қожихов.
Ол арнайы орталықтардың қызметкерлері тоқтап тұрған кезде жиналған барлық өтініштерді тез арада өңдеуге тырысатынын және қолайсыздықтар үшін кешірім сұрайтынын айтты.
25 мамырда ішкі істер органдарының ақпараттық жүйесіндегі техникалық ақауларға байланысты Қазақстанның арнайы орталықтарында автоқызметтер қол жетімсіз болған. 27 мамырдан бастап барлық арнайы ХҚКО штаттық режимде жұмыс істей бастады.
