Былтыр Жамбыл облысының әкімі Бердібек Сапарбаевтың бастамасымен «Асарлатып үй салу» жобасы Т.Рысқұлов ауданында да қолға алынған болатын.
Жоспарға сәйкес, Т.Рысқұлов ауданы бойынша 2021 жылға «Асарлатып үй салу» жобасы аясында 14 отбасыны үймен қамтамасыз ету жоспарланып отыр.
Бүгінгі таңда аталған жоба бойынша ауыл әкімдерімен бірлесе жұмыстар атқару аясында 15 ауылдық округтен 12 үйдің құрылысы мен 2 дайын үй сатып алу бойынша жұмыстары басталып та кеткен. Аталған 12 үйдің 6-да қабырғасын көтеружұмыстары жүргізілуде.
Ал Қорағаты ауылдық округі бойынша тұрғындардың үйге қажеттілік жоқтығына байланысты үй құрылысы жүргізілмейтіндігі анықталып отыр.
Ақыртөбе ауылдық округінде ағымдағы жылдың ақпан айында демеушілер есебінен 2 млн теңгеге әлеуметтік аз қамтылған отбасыға сатып алынған үйдің ішкі едендерін және сыртқы қабырғаларын әрлеу жұмыстары жүргізілсе, мұндай игі тірлік Ақниет ауылдық округіне қарасты демеушілерді ұйымдастыру жұмыстары жүргізіліп, өз жалғасын табуда.
Аталған шараға ауылдық округ әкімдері мен әкімшілік қызметкерлері, ауылдық ардагерлер ұйымының төрағалары мен мүшелері, ауылдың ерікті жастары мен ауыл имамдары және кәсіпкерлер мен демеушілер тартылып құрылыс материалдарын сатып алу, құрылысын салу жұмыстары жүргізілуде.
Құрылыс жұмыстарының барысы аудан әкімінің бақылауында.
